എം.സി കമറുദ്ദീന്‍ എം.എല്‍.എ കസ്റ്റഡിയില്‍

ജ്വല്ലറി നിക്ഷേപ തട്ടിപ്പു കേസില്‍ എം.സി കമറുദ്ദീന്‍ എം.എല്‍.എയെ രണ്ടു ദിവസത്തെ പൊലീസ് കസ്റ്റഡിയില്‍ വിട്ടു. 11ന് കമറുദ്ദീന്റെ ജാമ്യാപേക്ഷ പരിഗണിക്കും.കമറുദ്ദീനെതിരെ 13 കോടിയുടെ തട്ടിപ്പിന് തെളിവുണ്ടെന്നും ഇവ ശേഖരിക്കാന്‍ കസ്റ്റഡി അനിവാര്യമാണെന്നുമാണ് പോസിക്യൂഷന്‍ ആവശ്യപ്പെട്ടത്.അതേസമയം, കേസിലെ ഒന്നാം പ്രതിയും ഫാഷന്‍ ഗോള്‍ഡ് മാനേജിങ് ഡയറക്ടറുമായ ടി.കെ. പൂക്കോയ തങ്ങള്‍ ഒളിവിലാണ്. രണ്ടാം പ്രതിയും കമ്പനി ചെയര്‍മാനും മുസ്ലിം ലീഗ് നേതാവുമായ കമറുദ്ദീന്‍ എം.എല്‍.എ അറസ്റ്റിലായതിനു പിന്നാലെയാണ് ഇയാള്‍ ഒളിവില്‍ പോയത്. ഇയാള്‍ക്കായി ലുക്കൗട്ട് നോട്ടീസ് ഇറക്കിയിരിക്കുകയാണ്.