Follow Me TV

The Unbeatable

കൂടത്തായി കൊലപാതക കേസ് ; പ്രതി ജോളിക്ക് ജാമ്യം.

കൂടത്തായി കൊലപാതക പരമ്പരയിലെ പ്രതി ജോളിക്ക് ജാമ്യം അനുവദിച് കോടതി. അന്നമ്മ തോമസ് വധക്കേസിലാണ് ഹൈകോടതി ജാമ്യം അനുവദിച്ചത്.  നേരത്തെ സിലി വധക്കേസിൽ  ജാമ്യം ലഭിച്ചിരുന്നെങ്കിലും മറ്റു കേസുകൾ  നിലനിൽക്കുന്നതിനാൽ ജോളിക്ക് പുറത്തിറങ്ങാൻ സാധിക്കില്ല . കൂടത്തായ് പൊന്നാമറ്റം വീട്ടിൽ റോയ് തോമസിന്റെ സഹോദരൻ നൽകിയ പരാതിയിൽ നടത്തിയ അന്വേഷണമാണ് കേരളത്തെ ഞെട്ടിച്ച കൊലപാതക പരമ്പരയുടെ ചുരുളഴിച്ചത്. പൊന്നാമറ്റത്തെ സ്വത്ത് തട്ടിയെടുക്കാൻ റോയ് തോമസിന്റെ ഭാര്യയായിരുന്ന ജോളി വ്യാജ ഒസ്യത്ത് തയ്യാറാക്കിയതിനെതിരെയുള്ള രഹസ്യ അന്വേഷണത്തിലാണ് കൊലപാതക പരമ്പരയുടെ ഞെട്ടിക്കുന്ന വിവരങ്ങൾ പുറത്തായാത്.അന്നമ്മ തോമസ്, ടോം തോമസ്, റോയ് തോമസ്, മഞ്ചാടിയിൽ മാത്യു, സിലി, സിലിയുടെ മകൾ രണ്ടര വയസുകാരി ആൽഫൈൻ എന്നിവരാണ് കൊല്ലപ്പെട്ടത്